« Endrey izany hafaliana
Fa velona aina izahay !
Tanteraka ny faniriana
Ka dera ho Anao ry Ray !
Atolotray tokoa ny tena
Mba ho fanati-tsitrakao,
Satria manaiky sy ekena
Ho tonga olom-baovao ! … »

Taona vaovao, fiainana vaovao.

Ry mpianakavin’ny finoana FLMPARIS.

Faly miarahaba antsika fianakaviam-be amin’ny anaran’i Jesosy Tompo sy Lohan’ny Fiangonana.

Ary amin’ny alalan’ny tonon-kiram-panahy etsy ambony no iarahabana antsika tratr’izao taona vaovao 2024 izao.

Isaorantsika ny Tompo samy velon’aina, hiaraka hifaly ary hanomposy hanome voninahitra an’Andriamanitra Ray, Zanaka ary Fanahy Masina.
Izy homba sy hiaro ary handrotsaka feno ny fitahiana amin’ny tsirairay avy na kely na lehibe.
Ho taona hanjakan’ny fitiavana sy firaisana .

Ho aminareo anie ny fiadanana.

Pastora Edmond RAHARIJAONARIVELO mivady.